Month: July 2021

مدرسہ ابوطالبؑ بنا جسم و روح کی صحت کا مر کز
:مولانامدرسہ ابوطالبؑ بنا جسم و روح کی صحت کا مر کز: سیف عباس
لکھنؤ07جولائی 2021 دلدار علی غفران مآب فاؤنڈیشن کے سکریٹری نشر ا شاعت نے جاری بیان میں کہاکہ ابوطالبؑ چیریٹیبل کلنیک کا افتتاح مدرسہ ابو طالبؑ حسن پوریہ میں انجام پایا ۔ افتتاحی تقریب کا آغاز حدیث کساکی تلاوت سے کیا گیا ۔ افتتاحی تقریر کر تے ہوئے مولانا سیف عبا س نے کہاکہ ابوطالبؑ چیریٹیبل کلنیک کاافتتاح مدرسہ ابوطالبؑ میں وقت کی اہم ضرورت ہے کیونکہ جس طریقہ سے کورونا وبا کی دوسری لہر میں حالات نظر آئے جو انتہائی تشویش ناک تھے ۔ لہٰذا علا قے کے مو منین کی فرمائش پر ابوطالبؑ چیریٹیبل کلنیک کاافتتاح کیا جا رہا ہے تاکہ مو منین زیا دہ سے زیادہ فائد ہ حاصل کر سکیں ۔
مولانا سیف عباس نے کہاکہ مدرسہ تعلیمی ادارہ ہے جہاں سے لوگ تعلیم حا صل کر کے اپنی روح کو بہتر بناتے ہیں تواگر اسی جگہ جسم کا علاج کیا جائے تو اس سے بہتر اور کیا ہو گا۔ مولانا نے لوگوں سے پر زور اپیل کرتے ہوئے کہاکہ کورونا وائرس جو اس وقت پوری دنیا کو گرفت میں لیے ہوئے ہے ایسے میں ڈاکٹروں کے مشورے پر عمل کر نا ہمارے اوپر لازم ہے ۔جیسا کہ شوسل ڈسٹینسنگ ، ماسک پہننا وغیرہ ۔
مہمان خصوصی ڈاکٹرسید حسن اس دور میں انسان کی مدد کے لیےہر ایک کو آگے آنا چاہئے اور مذہب کی دیوار گرا کر لوگوں کی مدد کرنا چاہئے چونکہ کوئی مرض مذہب اور ذات کو دیکھ کر اپنے شکنجہ میں نہیں لیتا ہے ۔ڈاکٹر ضیا فاطمہ نے لوگوں سے اس کورونا وبا میں احتیاط بر تنے کی اپیل کرتے ہوئے کہاکہ آپ کے علاقہ میں جو کلینک کھولاہے اس کا فائدہ زیادہ سے زیادہ اٹھائے اور اگر کوئی تکلیف ہوتی ہے تو ڈاکٹرسے مشورہ کریں۔ڈاکٹر دائم رضا ، سابق چیف میڈیکل افسر ، ایرا میڈیکل کالج نے لوگوں سے کورونا کے اس دور میں بہت ہی ر محتاط رہنے کی اپیل کی ۔انجمن غنچہ مظلومیہ کے نائب صدر جناب حسن یعقوب صا حب نے ایک اہم تجویز دی کہ محرم سے قبل انجمنہائے ماتمی ویکسین کی ڈوز لگوا لیں۔ پروگرام میں علما و دانشور حضرات نے شرکت کی ۔
——–